Premio i rekonosementu

Na 2005 i 2011 Arte di Palabra a risibí e Premio Nashonal di Idioma Materno otorgá pa UNESCO. Na 2009 e proyekto Arte di Palabra a gana e prestigioso Stanley Lamp Award pa su aporte na nos idioma materno Na 2013 a risibí e Premio Bienal Pierre Lauffer. E premio ta konsistí di un Chapi di Plata.

Publikashon Na 2009 komishon Arte di Palabra a logra publiká un kompilashon di e mihó obranan original di e añanan anterior: Pòtpurí Arte di Palabra 2009. Tur skol avansá na Kòrsou a risibí 30 ehemplar, i a manda buki pa Boneiru i Aruba. Tambe públiko por a kumpra e buki akí den libreria na Kòrsou i Boneiru.

Unesco Paris a pone fondo disponibel pa publikashon di Pòtpurí Arte di Palabra 2014, ku a sali na okashon di e di 15 aniversario di e proyekto akí,. Esaki a hasi posibel ku tur skol avansá na Kòrsou, Aruba i Boneiru a risibí un pakete di buki.