Portrèt
Resultado final di Festival Arte di Palabra ABC 2018 (komunikado di AdP Aruba )
Djasabra 14 di aprel a tene final di Arte di Palabra ABC, kompetensia literario pa alumno di enseñansa avansá den e teater di Cas di Cultura na Aruba. E organisashon tabata den man di Komishon Arte di Palabra Aruba: Departamento di Cultura Aruba, Grupo Corector Papiamento i Fundacion Lanta Papiamento.E evento akí ta organisá den kuadro di e di 40 aniversario di Servicio Cultural na Aruba, 15 aña ofisialisashon di Papiamento, 2018 Aña di Papiamento i e di 10 edishon di Arte di Palabra na Aruba.
Na tur 36 alumno di skol avansá, finalista di Aruba, Boneiru i Kòrsou a partisipá ku sea un kuenta kòrtiku òf un poema. Despues di e himno di kada pais, señor Siegfried Dumfries, direktor di Departamento di Cultura Aruba a yama tur presente bon biní i despues di esaki e hóbennan a duna un tremendo presentashon.
Durante e evento a duna homenahe tambe na baluartenan di Aruba, Boneiru i Kòrsou. E aña akí e Tapushi Literario a bai pa organisashon ku ta stimulá arte dramátiko na papiamentu.
Kòrsou: Grupo di Komedia Thalia i Teatro Kadaken
Aruba: Mascaruba i Muchila Creativo
Boneiru: Bonaire Youth Outreach Foundation
Na final di e anochi tabatin un tremendo presentashon di The Popcorn Dancers ku un interpretashon impreshonante di e hit Machiká di Jeon. Finalmente maestronan di seremonia a divulgá e finalistanan di e seis kategorianan. E delegashon di Kòrsou, konsistiendo di kasi 50 persona (komishon, mayor, famia i dosente) ku a apoyá nan representantenan durante henter e evento a bira loko loko ora a resultá ku Kòrsou a sa di gana kuater di e seis promé premionan i en total nuebe di e diesocho premionan. Komishon Arte di Palabra Aruba a entregá kada ganadó un bunita trofeo diseñá pa sr. Frank Croes ku tambe ta esun ku a krea e bunita logo di Arte di Palabra ABC ku ta un refleho di e tres banderanan i e streanan ariba.
Un pabien di kurason ta bai na organisadónan di e tremendo evento akí ku un menshon spesial di sr. Siegfried Dumfries, John John Flemming, Julie Merencia, Lili Velazquez i tur otro miembro di e komishon organisadó.
Un danki spesial na tur esnan ku ta hasi posibel ku e fiesta literario akí por a tuma lugá pa di 19 biaha. Un danki spesial na e spònsornan prinsipal: Banco Maduro & Curiël’s, Prins Bernhard Cultuurfonds Caribisch Gebied, Fundashon pa Planifikashon di Idioma, Kas di Kultura i diferente otro persona i instansia ku kada un ta duna un kontribushon balioso na e evento akí.
Riba e página di Facebook artedipalabra por mira diferente portrèt di preselekshon i final di Kòrsou i tambe final di Arte di Palabra ABC na Aruba. Riba You Tube por mira (meskos ku e añanan anterior) grabashon di Renate Joe di preselekshon i final na Kòrsou.
Aki ta sigui nòmber di e ganadónan di e kompetensia di kuenta i poesia Arte di Palabra ABC.
Un pabien na tur e hóbennan di Aruba, Boneiru i Kòrsou ku a partisipá, i tambe na e komishonnan di Aruba, Boneiru i Kòrsou.
Kategoria A: Poesia Eksistente klas 1-2
1. Nadjelly Sumter di SGB Liseo, Boneiru ‘Papiamentu’ Outor:John Leoneta
2. Emmanuël Cathalina di Stella Maris College, Kòrsou ‘Poder di un hóben’` Outor: Sandley Goedgedrag
3. Maria Luisa Troncon di SGB Liseo, Boneiru ‘Mi Arte’ Outor: Nihaila Kwidama
Kategoria B: Poesia Original klas 1-2
1. Jordan Martis di Gouv. Lauffer VSBO, Kòrsou ‘Fundeshi di nos rais’ Outor:Jordan Martis
2. Randiyon Eleonora di SKAIH, Kòrsou ‘Bo meres’é’ Outor: Randiyon Eleonora
3. Juriella Josephia di SGB Liseo, Boneiru ‘Luna mi luna’ Outor:Juriella Josephia
Kategoria D: Kuenta Eksistente klas 1-2
1. Derickson Ellensburg di Joseph Civilis VSBO, Kòrsou ‘Jeanna mi dushi’ Outor:Jeriana Alphenaar
2. Nadjelly Sumter di SGB Liseo, Boneiru ‘Esta un bòmbòshi’ Outor:Johnrick Anthony
3. Kyrsha Petrocchi di SKAIH, Kòrsou ‘Jorge e hòmber pichiri’ Outor: Sergeline Compère
Kategoria E: Kuenta Original klas 1-2
1. Ruveiñsca Estachia diJoseph Civilis VSBO, Kòrsou ‘Mi ta inosente’ Outor: Ruveiñsca Estachia
2. Maria Piternella di Ceque College, Aruba ‘Mi soño a bira realidad’ Outor: Maria Piternella
3. Shantal Marin di John Wesley College, Aruba ‘Un Vakantie cu Anita lo no lubida nunca’ Outor: Shantal Marin
Kategoria C: Poesia Original klas 3-6
1. Gyandro Marselia di MIL, Kòrsou ‘Arte’ Outor: Gyandro Marselia
2. Brooke Shields Goedgedrag di MIL, Kòrsou Outor: ‘Demoñonan di skuridat’ Outor: Brooke Shields Goedgedrag
3. Lyndon Leito di SGB VMBO, Boneiru ‘Un pousa permanente’ Outor: Lyndon Leito
Kategoria F: Kuenta original klas 3-6
1. Sendion Balentin di SGB Liseo, Boneiru ‘E yaya’ Outor: Sendion Balentin
2. Gyandro Marselia di MIL, Kòrsou ‘E boto di Moi’ Outor: Gyandro Marselia
3. Kimberly Vasquez di SGB MBO, Boneiru ‘E bèrdat konfesá na porta di San Pedro’. Outor: Kimberly Vasquez