Arte di Palabra 2008
Informashon pa partisipante i públiko pa 2008
Ken por partisipá:
kategoria 1: Alumno di klas 1, 2
kategoria 2: klas 3 – 6 di enseñansa avansá i klas 1,2 SBO.
Poesia Kuenta kòrtiku
A. Poesia eksistente klas 1 òf 2 D Kuenta eksistente klas 1 òf 2
B. Poesia original klas 1 òf 2 E. Kuenta original klas 1 òf 2
C. Poesia original klas 3 – 6 F. Kuenta original klas 3 – 6
Informashon
Lo tene un preselekshon i un final den luna di mart na K-Center.
Mester entregá e kuenta/poema di e partisipante di taip grandura di lèter 12 punto. Mester entregá e obra riba papel i tambe digital.
Pa kada obra por inskribí solamente un nòmber. Den kaso ku e partisipante disidí di laga un òf mas persona yud’é ku su presentashon esaki(nan) NO ta bini na remarke pa un premio. Pues solamente e alumno ku a inskribí ta haña un premio.
Drama/figurante/efekto spesial
Ultimamente tin mas i mas partisipante ku ta laga otro persona subi esenario komo parti di e presentashon. Hurado a garantisá nos ku aktuashon di e personanan adishonal NO ta influensiá hurado.
Hurado ta husga solamente e alumno ku a duna su nòmber.No laga e personanan adishonal kita atenshon muchu for di e presentadó prinsipal. P.e. dramatisashon di e obra ta kita atenshon for di e presentadó pues preferibel limitá esaki.
Hurado lo duna mas punto na un partisipante ku ta demostrá ku e por presentá diferente papel ku un partisipante ku ta laga un figurante tuma parti di e presentashon. Si hasi uzo di efekto spesial (músika, instrumènt etc.) pèrkurá pa esaki no dominá kitando muchu atenshon for di e presentadó ofisial.
Reglanan di partisipashon
Poesia
Hurado ta wak kontenido i presentashon.
Kuenta
Hurado lo wak kontenido i e presentashon. (uzo di bos, ekspreshon, kontakto ku públiko)
E kuenta no por surpasá 3 minüt / Máksimalmente un página i mei di A4 di taip ku kòmpiuter, grandura di lèter 12 punto. Den kaso ku e kuenta ta muchu largu e no ta bini na remarke pa kompetí.
Kuenta/poesia original
Mester ta skibí pa e partisipante mes òf un alumno di mesun kategoria di klas.
Inskripshon i entrega di obra por tuma lugá for di novèmber 2007
Por inskribí serka dosente di papiamentu òf na Kas di Kultura 4347355, Fundashon Planifikashon di Idioma 8691166, òf e-mail angejessurun@hotmail.com
Mester menshoná Arte di palabra.
Tayer pa partisipante
Pa esnan ku inskribí tempran ta bai tene un tayer pa traha riba presentashon.