Resultado di Arte di Palabra Kòrsou 2019
Djasabra 13 di aprel a tene final di Arte di Palabra, kompetensia literario pa alumno di enseñansa avansá .
Na e final, 60 alumno di diferente skol avansá di Kòrsou a partisipá ku sea un kuenta kòrtiku òf un poema. Elvira Bonafacio a para ketu na e di 20 aniversario di e kompetensia i a duna elogio na docente, cuerpo di hurado i komishon Arte dSeñor Everon a hiba palabra na nòmber di Minister Alcalá-Wallé, i después e hóbennan a duna un tremendo presentashon.
Na okashon di e di kuater lustro di e kompetensia na Kòrsou, tabatin tambe presentashon di Pòtpurí Arte di Palabra 2019, e di 3 kompilashon di obra original. Padrino Eugene Mongen i madrina Diana Maduro a tuma e buki for di man di Shuredel Luciana ku ta riba portada di e buki akí. Shuredel a partisipá 5 aña na e kompetensia i a sali ganadó 3 biaha. Aktualmente e ta forma parti di hurado di kuenta di Arte di Palabra.
Yaya Ange Jessurun a kompañá Shuredel i tambe Quinten Brunken ku ta riba portada di Pòtpurí Arte di Palabra 2014 i Mayron Martina ku tabatin Pòtpurí Arte di Palabra 2009 den man. Ivette Wall-Gosepa a habri un buki grandi for di kua un kolekshon di lèter a kai riba e Pòtpurí nobo. Meskos ku tabata e kaso ku e promé i di dos buki, tur skol avansá na Kòrsou, Aruba i Boneiru lo risibí e bukinan akí. Tur aña mas i mas hóben ta skohe obra for di e Pòtpurínan anterior pa partisipá den e kategoria di poesia i kuenta eksistente.
Tambe a premia e 30 ganadónan di e di 11 kompetensia di haiku Elis Juliana. Tabatin premio pa e 6 skolnan ku a animá nan representantenan mihó: SKAIH, Radulphus College, Jozef Civilis, St. Jozef VSBO, Pierre Lauffer vsbo i tambe pa Huize int Jozef.
Premio di estímulo a bai pa Suraychelon Meulens di Stella Maris. Un danki spesial na tur esnan ku ta hasi posibel ku e fiesta literario akí por a tuma lugá pa di 20 biaha. Un danki spesial na e sponsornan prinsipal: Banco Maduro & Curiël’s, Prins Bernhard Cultuurfonds Caribisch Gebied, Fundashon pa Planifikashon di Idioma, Reda Sosial, Stichting Johannes Bosco, Kas di Kultura i diferente otro persona i instansia ku kada un ta duna un kontribushon balioso na e evento akí.
Riba e página di Facebook di artedipalabra por mira grabashon di preselekshon (Hermanito) i final (Curacao Live entertainment tv) i masa hopi portrèt di sr. Homoet di VSBO St. Jozef.
Aki ta sigui nòmber di e ganadónan di e kompetensia di kuenta i poesia. E ganadónan di promé, di dos i di tres lugá den kada kategoria lo representá Kòrsou durante e kompetensia Arte di Palabra ABC 18 di mein a K-Center Kòrsou. Un pabien na tur e hóbennan ku a partisipá, nan dosente i nan famia ku a bin apoyá nan.
Resultado di e di 20 Festival Arte di Palabra Kòrsou
Skol | Nòmber alumno | Klas | Título | Outor | |
KATEGORIA C | POESIA ORIGINAL | KLAS 3-6 | |||
nr 1 | St. Jozef VSBO | Dennzjelo Nassy | 4 | Primintí bo mes | Reinert Hato |
nr 2 | Nilda Pinto SBO | Mayron Martina | 1 | Realidat di bida | Mayron Martina |
nr 3 | St. Jozef VSBO | Richaina Adamus Troeman | 4 | No kulpa ningun hende | Mayron Ortiz Streden |
KATEGORIA E | KUENTA ORIGINAL | KLAS 1-2 | |||
nr 1 | Joseph Civilis VSBO | Duncan Mersera | 2 | Un warwarú di sentimentu | Duncan Mersera |
nr 2 | SKAIH | Darnica Pourier | 1 | E balor di mi isla | Darnica Pourier |
nr 3 | Maria College | Wandel Jansen Polanco | 1 | Mi mal pashon a bira mi outodestrukshon | Wandel Jansen Polanco |
KATEGORIA B | POEMA ORIGINAL | KLAS 1-2 | |||
nr 1 | Gouv. Lauffer VSBO | Jordan Martis | 2 | Bida | Jordan Martis |
nr 2 | Gouv. Lauffer VSBO | Sulimar Martis | 2 | Kòrsou | Sulimar Martis |
nr 3 | Stella Maris College | Rainisha Decaster | 1 | Amor | Rainisha Decaster |
KATEGORIA F | KUENTA ORIGINAL | KLAS 3-6 | |||
nr 1 | MIL | Gyandro Marselia | 4 | Skum’é | Gyandro Marselia |
nr 2 | VSBO St. Jozef | Kayla Gray | 3 | Den huk’i mamai | Thyandro Mauris |
nr 3 | VSBO St. Jozef | Siegqueenily Constancia | 3 | Arte di Palabra, un danki di kurason | Siegqueenily Constancia |
KATEGORIA A | POESIA EKSISTENTE | KLAS 1 i 2 | |||
nr 1 | Maria College | Quiarah Paulina | 2 | Rosita bunita | Sullaydsey Reenis |
nr 2 | SKAIH/SPU | Ambar Ursulita Tovar | 1 | Solo i flor | Whitney Daantje |
nr 3 | Maris Stella VSBO | Dwayne Dick | 1 | Bar | Elis Juliana |
KATEGORIA D | KUENTA EKSISTENTE | KLAS 1 i 2 | |||
nr 1 | Joseph Civilis VSBO | Derickson Ellensburg | 2 | Santana ta yor’é | Jeriana Alphenaar |
nr 2 | SKAIH | Kyrsha Petrocchi | 2 | Malasuerte, kreensia o misterio? | Whitney Daantje |
nr 3 | SAAN | Ki-Jon Blijden | 2 | Problema | Elis Juliana |