Kiko ta haiku?
Na Kòrsou Arte di Palabra ya tin 15 aña ta enkurashá tur hende ku sinti yamá pa esaki, pa krea haiku i entregá nan pa partisipá den e kompetensia di haiku ‘Elis Juliana’. Tur aña e kantidat di haiku na papiamentu ta sigui krese i enrikesé uso di nos idioma. Pero kiko eksáktamente ta un haiku? Di unda e ta originalmente i kon bo por rekonosé i krea un bon haiku?
Tito Doran a dediká dos tremendo segmento den su sekshon di programa den Mòru Bon Dia, NOS IDIOMA. Chèk tur dos segmento i apliká e konosementu. Ken sa, kisas pronto ta abo lo ta entre e ganadónan di e kompetensia ‘Elis Juliana’…
Manda bo aplikashon pa kompetensiahaiku@hotmail.com. Partisipá na e kompetensia akí. Registrashon ta sera dia 24 di febrüari 2022.
Kompetensia di haiku "Elis Juliana"
Inskribí abou pa e kompetensia di haiku 2022.
Formulario di Inskripshon: Di 14 kompetensia di haiku Elis Juliana 2022
Ultimo fecha pa inskribí pa e kompetensia di haiku ta djaweps 11 di febrüari 2022.
Kada persona por entregá te ku un máksimo di 10 haiku.
Mester entregá e haiku(nan) komo attachment den un dokumento di Word Arial 12. Por fabor, taip e haikunan bou di otro (i no banda di otro, no traha kolòm ni usa kuadro) pues no usa nada èkstra pa lay-out. Arte di Palabra mester traha un dokumento total pa fasilitá na hurado.
Bou di e haikunan den e mes dokumento mester nota: nòmber, fam, selular, i e-mail. Ademas, si ta un hóben, mester inkluí klas i skol; si ta un adulto, inkluí edat.