Arte di Palabra

Bon biní

Kompetensia pa skol avansá
Arte di Palabra Kòrsou 2022

Preselekshon: 19 i 26 di mart
Final: 9 di aprel

Publikashon na Hulanda den
Levende Talen Magazine 2020

Den 2022 Kòrsou ta selebrá 23 aña "Arte di Palabra"

E preparashonnan pa Arte di Palabra 2022 ta den ‘full swing’. E aña akí nos ta selebrá e di 23 aña konsekutivo ku un grupo konsiderabel di hóben ku kurashi i pashon pa papiamentu por partisipá na e grandioso kompetensia di poesia, kuenta, rèp i haiku na papiamentu pa tur skol avansá. Pa partisipantenan na Kòrsou, preselekshon ta dia 19 i 26 di mart final dia 9 di aprel 2022.

 

Inskripshon ta te ku dia 14 di yanüari 2022 via skol òf online via www.artedipalabra.com

Den 2021, Arte di Palabra a Selebrá 22 Aña di Kompetensia!

Arte di Palabra 2021 tabata otro éksito rotundo, a pesar di e pandemia di COVID-19! E aña akí, ya tabata pa di 22 aña siguí ku Arte di Palabra a organisá e grandioso kompetensia di poesia, kuenta i haiku na papiamentu pa tur skol avansá. Pa partisipantenan na Kòrsou, preselekshon a tuma lugá dia 6 di mart 2021. Pa motibu di e medidanan di prekoushon pa baha kontagio di COVID-19, e final a tuma lugá dia 26 di yüni 2021.

Nobo: Arte di Palabra ta introdusí kategoria di Rèp🎶

E kategorianan pa Arte di Palabra Kòrsou 2021 ta:

  1. Poesia original klas 1-2
  2. Poesia original klas 3-6 i SBO 1-2
  3. Kuenta original klas 1-2
  4. Kuenta original klas 3-6 i SBO 1-2
  5. Poesia eksistente klas 1-2
  6. Kuenta eksistente klas 1-2
  7. Rèp

2020...  21 Aña Arte di Palabra

Pa di 21 aña konsekutivo Arte di Palabra Kòrsou a tene e kompetensia di poesia, kuenta i haiku na papiamentu pa tur skol avansá. E aña akí, preselekshon pa Kòrsou a tuma lugá dia 14 di mart 2020 i e final dia 18 di yüli. Pabien na e 42 finalistanan di e kategorianan poesia original klas 1-2, poesia original klas  3-6 i sbo 1-2, kuenta original klas 1-2, kuenta original klas  3-6 i sbo 1-2, poesia eksistente klas 1 – 2,  kuenta eksistente klas 1 – 2.

Chèk Arte di Palabra – kompetensia – 2020 pa nòmber di esnan ku a klasifiká despues di preselekshon i e ganadónan di e final di Arte di Palabra Kòrsou i disfrutá di e grabashon di Hermanito di 14 di mart 2020.

Di Reto Pa Inovashon

Restrikshon di biahe relashoná ku COVID-19 a forma un reto pa e tim organisadó di Arte di Palabra. A pesar di esei, e tim a opta pa organisá e gran final di ABC den un forma adaptá, teniendo kuenta ku e medidanan di prekoushon. Un di e motibunan prinsipal pa e desishon akí ta e entusiasmo i petishon di tur e finalistanan ku tabata anhelá pa por presentá i kompetí riba nivel di ABC. Banda di esei, e aña ak;i Boneiru a selebrá e di tres lustro di Arte di Palabra Boneiru. Ademas, pa promé biaha Boneiru lo a organisá e kompetensia pa ABC. Mirando ku partisipantenan di Aruba lamentablemente no por a biaha, Arte di Palabra a usa e desafio akí komo un reto nobo i a kuminsá traha riba inovashon chikí pero signifikante pa futuro.

Gran Final Arte Di Palabra ABC

Djasabra 15 di ougùstùs 2020 e 13 finalistanan for di Kòrsou finalmente a partisipá na e kompetensia final entre Kòrsou, Boneiru i Aruba.

Tapushi Literario 2020 pa Roland Colastica
Baluarte Korsou

Tapushi Literario 2020

E aña akí tambe Arte di Palabra a rindi homenahe na algun baluarte ku ta duna kontribushon balioso na papiamentu. E Tapushi Literario 2020 a bai pa:

Kòrsou

Aruba

Boneiru

Nilo Kleinmoedig i Roland Colastica

Edselyn Figaroa

Denise de Jongh-Rekwest, ganadó premio ‘Pipit’i Kòmkòmber’ di Arte di Palabra Boneiru

Tapushi Literario 2020 pa Edselyn Figaroa
Baluarte Aruba

Danki komishon Arte di Palabra Boneiru

Pabien i Danki

Un pabien i danki spesial na komishon Arte di Palabra Boneiru bou di guia di Sekshon Kultura Arte i Literatura (SKAL) ku su direktor Felix Thomas.

Danki tambe na drs. Siegfried Dumfries di Departamentu di Cultura Aruba, ku ta koordina arte di palabra na Aruba.

Danki di kurason na Banko Maduro & Curiel, Stichting Samenwerkende Fondsen, Fundashon Planifikashon di Idioma i Prins Bernhard Cultuurfonds Caribisch Gebied pa yuda realisá Festival Arte di Palabra 2020.

Pabien i danki na tur e hóbennan di Aruba, Boneiru i Kòrsou, dosente, mayor i tur ku ta aportá na nan desaroyo, amor i apresio pa nos idioma papiamentu.

Close Menu