klas 1 i 2 aprel 2020 (65 haiku)
1 Un hende sabí
ta hunga ròl di bobo
pa e opservá.
Matisha Koeiman
AGO Montaña klas2A
2 Tur áwaseru
tin arko íris despues
di bon triunfo
Gabriela Balentina
Kolegio Alejandro Paula klas 1
3 Kada sonrisa
ta skonde un lágrima
yen di tristesa
Jennyvienne Liu
Kolegio Alejandro Paula klas 1
4 Gran bunitesa
ta bria den tristesa
i felisidat
Tryfena Simon
Kolegio Alejandro Paula klas 1
5 Logro di hóben
trabou duru ta hasi
mi orguyoso
Ajey Carter klas 2
AGO Juan Pablo Duarte Comanchestraat
6 Kultura riku
independensia mental
mi tin libertat
Rayvenold Aniceta klas 2
AGO Juan Pablo Duarte Comanchestraat
7 Pa logra soño
mester tin un lágrima
despues sonrisa
Gabriela Balentina
Kolegio Alejandro Paula klas 1
8 Union ta yabi
stimashon ta e porta
habri pa drenta.
Nishanty Geertruida
AGO Montaña Klas 1A
9 Kon ku mi bira
kon ku mi drai òf bòltu
ta topa mi mes
Niyati Maduro Klas: 1
Kolegio Alejandro Paula
10 Bèrdat por hasi
doló pero mentira
lo ta mas pió
Amira de Palm
Kolegio Alejandro Paula klas 1
klas 3 te 6 (195 haiku)
1 Katuna muhá
ta krese un simia
sin esfuerso.
Shair Leito
AGO Montaña klas 3b
2 Bela sendé ta
ilushon di lus ku ta
dura pa semper
Darisha Petronilla
Kolegio Alejandro Paula klas 5
3 Mata chikitu
no por krese den sombra
di palu haltu
Ethan Emelina
Kolegio Alejandro Paula klas 3
4 Palu di awa,
mondi seku a haña
flornan di koló.
Sullivienne Martina
AGO Montaña klas 3b
5 Bo mester gatia
Promé ku bo por kana
Tuma bo tempu
Tamir Bulbaai
V.S.B.O. St. Jozef – 3TA2
6 Pasado sukú
sklabitut ta abolí
historia marká
Darisha Petronilla
Kolegio Alejandro Paula klas 5
7 Refleho propio
Análisis personal
Stap pa dilanti
Shaqira Noor
Kolegio Alejandro Paula V5a
8 Muhé balente
i luchadó semper ta
sali dilanti
Raïsha Alders
Kolegio Alejandro Paula klas 3
9 Amor pa bo mes
ta masha importante
pa sa ken bo ta
Reandrey Martina
V.S.B.O. St. Jozef – 4TA1
10 Positivismo
ta e mihó manera
pa bo ta felis
Shamir Tremus
V.S.B.O. St. Jozef – 4KH
adulto 2020 (145 haiku)
1 Yobida fuerte
Ta bati riba tera
Spièrta simia
Lourdes Lourens (Boneiru)
2 Enseñansa ta
garoshi di hèrmènt pa
talento skondi
Belinda Passial
3 Simia ta spreit
bona pa tin kosecha
Siklo di bida
Mila Dorothea
4 Haiku ta mi kos
sinta pensa inventá
kaba kompartí
Ilse Schoobaar-Anthony
5 Splendor di dia
ta Dama di anochi
su despedida
Lourdes Lourens (Boneiru)
6 Den awa trubel
no tin piská di oro
warda bo reda
Kenneth Valpoort
7 Olanan suave
a hiba tur problema
pa laman ganchu
Pauline Nicasia
8 Awa a kore
na mi kara laba tur
doló di traishon
Hubert Vis (Boneiru)
9 Bandera kòrá
ta zuai i kubri matris
fiel na tur luna
Natasha Albert
10 Yunan desolá
mayornan ta parandiá
rabia fomentá.
Vanessa Rosalina