Great ku bo tambe ta interesá den Arte di Palabra!

Bo tin pregunta pa nos? Akí nos a kompilá algun di e preguntanan ku mas nos ta topa.

 


Kon mi por partisipá na e kompetensia di Arte di Palabra 2021?

Pa inskribí ta fásil. Yena e formulario di inskripshon online riba e página di Arte di Palabra bou di e sekshon di 2021. Bo por apliká tambe registrando via bo skol. Pa partisipantenan na Kòrsou, preselekshon ta dia 6 i e final dia 27 di mart 2021.

Inskripshon ta habrí te ku dia 18 di yanüari 2021.


Ken por partisipá na Arte di Palabra 2021?

Alumno di tur skol avansá na Kòrsou por partisipá si nan ta den klas. Mayoria kategoria ta repartí den klas 1-2 i tambe den klas 3-6 i SBO 1-2.


Kua ta e kategorianan pa Arte di Palabra 2021?

E kategorianan pa Arte di Palabra Kòrsou 2021 ta:

  1. Poesia original klas 1-2
  2. Poesia original klas 3-6 i SBO 1-2
  3. Kuenta original klas 1-2
  4. Kuenta original klas 3-6 i SBO 1-2
  5. Poesia eksistente klas 1-2
  6. Kuenta eksistente klas 1-2
  7. Rèp
 

Kon mi por partisipá na e kompetensia di Haiku 2021?

Pa inskribí, yena e formulario di inskripshon online riba e página di Arte di Palabra bou di e sekshon di 2021 na e parti di inskripshon pa haiku 2021

Mester entregá e haiku(nan) komo attachment den un dokumento di Word Arial 12. Por fabor, taip e haikunan bou di otro (i no banda di otro, no traha kolòm ni usa kuadro) pues no usa nada èkstra pa lay-out. Arte di Palabra mester traha un dokumento total pa fasilitá na hurado.

Bou di e haikunan den e mes dokumento mester nota: nòmber, fam, selular, i e-mail. Ademas, si ta un hóben, mester inkluí klas i skol; si ta un adulto, inkluí edat.

Ultimo fecha pa inskribí pa e kompetensia di haiku ta djaweps 11 di febrüari 2021.


Ken por partisipá na e kompetensia di Haiku 2021?

E kompetensia di haiku ta habrí pa hende di tur edat i di rònt mundu.


Kiko ta e deadline pa inskribí na e kompetensianan?

Inskripshon pa partisipá na kompetensia di Arte di Palabra pa alumnonan di skol sekundario ta dia 18 di yanüari 2021.

Inskripshon pa partisipá na kompetensia di Haiku habrí pa tur hende ta dia 11 di febrüari 2021.

 


Kua ta e fechanan importante relashoná ku e kompetensia di Arte di Palabra i Haiku 2021?

  • 18 di yanüari 2021: último fecha inskripshon kompetensia pa skol sekundario ‘Arte di Palabra Kòrsou’
  • 11 di febrüari 2021: último fecha inskripshon i entrega di obra pa kompetensia di ‘Haiku’
  • 6 di mart 2021: Preselekshon ‘Arte di Palabra Kòrsou’
  • 27 di mart 2021: Final ‘Arte di Palabra Kòrsou’ i ‘Haiku’
  • Pendiente: Arte di Palabra ABC 2021

 

 

Bo ke sa mas?

Manda nos un mensahe libremente na info@artedipalabra.com òf via nos página di Facebook.

Close Menu